Kya Aapko Bitcoin Mining Me Money Invest Karni Chahiye?

Kya Aapko Bitcoin Mining Me Money Invest Karni Chahiye?

Halanki jaise jaise 2018 ke first quarter ka end nazdik aa raha hai, bitcoins ke price girne ki wajah se crytocurrency ka craze bhi girta dikh raha hai. Bitcoins jo ki pichle saal $950 se $19500 pahunch gaye the, ab slow ho gaye hain. Pichle kuch weeks pehle hi bitcoin currency gir kar $6000 tak pahunch gayi aur yahi wajah hai ki aajkal sabhi logo ke dimag me ek hi sawal hai- Kya abhi bitcoin mining karna sahi rahega?

Lekin future me bitcoin mining ki profitability dekhne ke liye hme pehle iska past dekhna hoga aur ye samajhna hoga ki kyon lakho log bitcoin mining ki process ki taraf itna attract hue. To chaliye dekhte hain, bitcoin mining past me itni profitable kyu rahi.4

Past me bitcoin mining itni profitable hone ke karan:

Pichle kai salo se bitcoin mining ek bahut hi highly profitable investment rahi hai. Jis tarah se cryptocurrency ke prices har sal continuous badh hi rahe the, inme invest karna ek bahut hi accha idea lag raha tha. Aise miners jinke pas latest mining devices hoti thi aur jo aisi countries me rehte the jahan electric power rates bahut kum the, bade hi asani se machines ki madad se lakho dollars kama sakte the.

Halanki jin 2 reasons ne bitcoin mining ko pichle kuch salo me profitable banaya, unki baat karte hain. Doston, 2012 aur 2013 me GPUs ki madad se bitcoins mine kiye ja sakte the. 2012 se pehle to aap CPU se bhi bitcoins mine kar sakte the. Iske alawa us daur me mining rewards bhi bahut high the. Shuru ke 4 salo me har block ko solve karne par miners ko 50 bitcoins milte the. Lekin dhire dhire ye rewards kum hote gaye aur agle 4 salo me ye sirf 25 bitcoins per block reh gye. Aajkal to ek block solve karne par sirf 12.5 bitcoins milte hain. Iske alawa past me GPU devices ka upyog hota tha jo ki ASIC based mining ki tulna me bahut kum electricity consume karte the, jisse mining ki process aur bhi sasti aur profitable hoti thi.

Iske alawa ek reason ye bhi tha ki us waqt me bitcoin mining itne professional scale par ki bhi nahi jati thi. Jabki aajkal to bade bade mining farms set kiye ja rahe hain, jahan hazaro ASIC devices ki madad se large-scale par cryptocurrencies mine ki ja rahi hain. Ye mining devices kisi average miner ki tulna me kafi behtar aur jyada power se mine kar leti hain.

Bitcoin mining ki popularity kum hone ki ek aur wajah hai wah hai ki ab ye bitcoin mining algorithms is tarah se devise ki jati hain ki mining difficulty badhti hi ja rahi hain.

Kya aap jante hain jab first block mine kiya gaya, to mining difficulty zero thi, lekin aaj yahi mining difficulty 4 Billion tak pahunch gayi hai.

Jaise jaise bitcoin mining aur iske prices badhte jayenge, ye mining difficulty bhi badhte jayegi.

To kya 2018 me aapko bitcoin mining karni chahiye?

Choonki ab aap ye samajh gaye hain ki bitcoin mining pichle kuch salo me itni popular aur successful kyu hui, chaliye ab hmare main question par aate hain, jo ki hai- kya aapko 2018 me bitcoin mining karni chahiye?

Dekha jaye to doston, is sawal ka koi nishchit jawab nahi hai. Ye janne ke bad ki cryptocurrencies ki pricing bahut hi unstable hain, jaise ki hmne bitcoin ke case me dekha (Jo har ghante dollars upar aur niche chala jata hai). Yeh in cryptocurrencies ke case me uncertainty dikhata hai. Isliye is sawal ka to koi guaranteed jawab nahi hai ki “Kya mujhe bitcoins mine karne chahiye?”

Isliye sahi tarika yahi hai ki jab aap mining shuru karne jaye, to mining se related sari costs ko acche se jaanch le. Han, ASIC machine ki ek fixed cost hogi, lekin mining ke dauran use hone wali electricity ki cost ko bhi dhyan rakhen. Iske alawa equipments ko thanda rakhne ke liye bhi additional cost hogi. Halanki cryptocurrencies ke case me mining calculators bhi hote hain jinki help se aap ye samajh sakte hain ki mining operation me aapko kitne bitcoins milenge.

Isliye ye jo sawal hai ki “kya mujhe bitcoins mine karne chahiye’ ek aur sawal se milta julta hai, jo ki hai, “Kya mujhe bitcoins me invest karna chahiye”. Dono ka ek hi jawab hai ki “koi nahi janta”. Halanki ek bahut bada market hai jo cryptocurrencies ke future ko le ke bahut hi optimistic hai. Jaise kuch hi waqt pehle Twitter ke CEO, Jack Dorsey ne kaha ki Bitcoin jaldi hi world ki single currency ban jayegi. Yeh cryptocurrencies me logo ke faith ko hi dikhata hai.

Market analysis ne bitcoin price prediction me yehi kaha hai, ki bitcoins ke price gire zaroor hain, lekin is year ke end tak ye fir se upar aayenge aur pehle ka bhi record tod denge. To agar tech experts aur market analysts ki mane to bitcoins mine karna ek accha idea hai, 2018 me bhi.

Author – Prince Kapoor

(Guest Post)

Prince Kapoor

Leave a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.