5 Steps Me Kaise Apni Startup Brand Banaye

5 Steps Me Kaise Apna Startup Brand Banaye?

5 Steps Me Kaise Apna Startup Brand Banaye?

Kya aap jaldi hi apna startup launch karne wale hain? Agar han, to aap bhi business branding se abhi utne hi anjaan honge jitne ki naye startup owners hote hain. Lekin doston, is article me hum unhi steps ke bare me baat karenge jinki helps se aap apni startup ke liye brand bana sakte hain.

To bina der kiya, chaliye shuru karte hain. Ye hain five aisi steps jinki help se aap shuruaat se ek brand build kar payenge.

1. Apne products ko re-analyze kare:

Han, main jaanta hoon ki ye kaam to aapne kab ka kar liya hoga lekin launch karne se pehle apne products ko bar bar analyze karna accha rehta hain. Neeche main kuch aise sawal bataunga, jo aapko khud se poochne chahiye:

  •  Ye product kya hai?
  •  Is product ka purpose kya hain?
  •  Ye product kis audience ke kaam aayega?
  •  Log is product ko kyu kharide?

Doston, koshish kare ki in sawalo ke jawab ek paragraph se jyada bade na ho. Iske bad agli step me aap in answers ko single lines me laane ki koshish kare. Jab ye ho jaye to apne products ya service ko kisi aise insan ko samjhayen jo aapke work related nahi ho. Chahe to apne friends ya family members se baat kar sakte hain.

Jab aap ye kare, to dhyan de ki kya aap un logo ko apna product acche se samjha paye hain? Ya aapko sirf blank stares mile? Agar aapko blank stares mile hain to aapka kaam abhi poora nahi hua. Apne jawabo ko aur bhi simplify kare aur ye step tab tak kare jab tak aap unke dimag me interest na paida kar paaye. Waise bhi ye kaha gaya hai, ki saadgi har jagah best hai. Iske alawa agar aapke product ki koi khasiyat ya USP hai to is USP ko har platform par mention karen.

2. Apna competition analyze kare:

Sabse badi galti jo kai startups karte hain aur jiski wajah se fail bhi hote hain, wo hai competitice landscape ko analyze nahi karna. Agar aap bina competition ko analyze kar rahe hain, to aap apna time aur money hi nahi, balki passion ka bhi risk le rahe hain. Neeche main kuch aisi steps bata raha hoon jo aapko apna product market samajhne me help karegi:

  •  Pata lagaye ki aapke direct competitors kaun hain?- Iske liye Google par apne product se related key phrases search kare. Jo results aate hain, unhe analyze kare. Yehi aapke competitors hain.
  •  Dekhe ki ye competitors apne product ko kaise sell kar rahe hain?- Inke products ki USP kya hai, kya ye log products ke sath koi special discount de rahe hain ya apne website par koi specific terms ka upyog kar rahe hain?
  •  Inki website analyze kare- Kya wo apni website par koi specific design use kar rahe hain? Ya kya aisa koi design element hai jo ye log use kar rahe hain lekin aapko avoid karna chahiye.
  •  Inke customers aur employees inke baare me kya keh rahe hain?- In websites ke testimonial page check kar sakte hain ya fir Glassdoor jaisi review websites par bhi dekh sakte hain.

3. Buyer personal create kare:

Jab aap upar batayi gayi dono steps ko acche se follow kar le, agli step par aate hain, jo ki hai, right audience ka pata lagana. Har product sare tarah ke logon ko target nahi kiya ja sakta. Agar aap apne business me ek acchi ROI achieve karna chahte hain to aapko apne product ke liye right audience zaroor dhoondhni hogi.

Buyer persona create karna aapko hmesha faida dega. Isse aap aur aapki team ye samajh payegi ki aapki audience aapse kya chahti hai aur aap kis tarah apne product se unki problems solve kar sakte hain.

4. Name aur domain name choose kare:

Han main janta hoon ki aapne apni brand ka naam already socha hua hai. Aakhir boring meeting me baithe hue hum sabhi ne apni notebooks ke piche hamare dream ko hi to mention kiya hai, lekin doston, hum yaha reality ki baat kar rahe hain. Aapka brand name ek aisi chiz hai jo aapke sath hmesha rahega. Aapke business aur domain ka naam aapki audience par ek bahut bada prabhav dalta hai.

Neeche main kuch tips de raha hoon jo aapko follow karni chahiye:

  •  Naam aapke products se match karna chahiye: Kisi bhi naam ko choose kar lena, sirf isliye, kyuki wo aapko accha lagta hai, aapko future me nuksan dega. Jo bhi naam aap choose kare, dhyan rahe ki ye aapko product aur service se match kare. Iske alawa agar aap long term ka soch rahe hain to “Flower delivery in Jaipur” jaise specific naam nahi rakhe, aap har 2 saal me apna naam chnage karna nahi chahenge. Isliye aap thoda generic naam rakhe jaise “My Flower Shop”.
  •  Aisa naam rakhe jo yad rakha ja sake aur jise asani se bola ja sake: Han, hum log jante hain ki “Tumblr” kaise spell kiya jata hai, lekin aaj bhi kai aise log hain jo iske naam ki spelling me aksar galti kar baithte hain. Isliye naam chota aur simple rakhe, taki log ise asani se yad rakh sake.
  •  Trademarks check kar le: Aap kisi aise naam ki brand nahi banana chahenge jo already kisi aur ka hai. Isliye kisi bhi naam ko finalize karne se pehle uske trademarks zaroor check kar len. Isse aap future me kisi legal casualty se bhi bach payenge.
  •  Dekhe ki kya ye naam social media networks par available hai?: Social media aajkal har business ke liye bahut zaroori ho gaya hai. Aap kisi bhi aise naam ko register nahi karana chahenge jinke social media profiles already kisi aur ke paas hain.

5. Apni brand ko ek unique story aur identity de:

Ek acchi brand story kisi bhi newbie ke liye, (chahe wo potential customer ho ya aapka naya employee) ek touch point ban jati hai. Neeche main kuch points bata raha hoon jo aapko apni story me include karne chahiye:

  •  Hum kaun hain?
  •  Hum yahan tak kaise aaye?
  •  Hum audience ki kyun care karte hain?
  •  Hamara aim aur vision kya hai?

Ek acchi brand story hone par aapke customers aapse personal level par connect kar payenge. Isliye bhale hi ye aapko abhi zaroori na lage, agar aap long term tak rehna chahe hain, to ise ignore na kare.

Last me, jab aap apne product, competition, story aur naam ko le kar clear hain, ab bari hai apne business ko ek strong visual identity dene ki.

Sabse pehle ek accha logo banaye jo bhid me aapki pehchan ban sake. Halanki aapka startup abhi new hai isliye main aapko is kaam ke liye bahut jyada paise spend karne ki salah nahi dunga. DIY aapki yahan help karega. Iske alawa kai online logo maker tools uplabdh hain jinse aap free me logo create kar sakte hain. Neeche kuch aise hi logo hain jo maine free me banaye.

Lekin aapka kaam sirf yahi khatm nahi hota. Logo ke alawa aapko doosre design elements par bhi dhyan dena hoga, jaise ki colors, typography, icon, aadi. Apne competitors ko dekhe ki wo kya kar rahe hain aur unse 10x behtar kare.

Ant me yahi kahoonga dosto ki branding yahi khatm nahi hoti. Lekin is checklist ki madad se aap apne business branding ki taraf pehla kadam uthayenge. Branding ki importance ko to kabhi bhi ignore nahi kiya ja sakta. Aapke business niche ke anusar aap kai tarike se branding kar sakte hain. To shuru kijiye!

Leave a Comment

Your email address will not be published. Required fields are marked *

This site uses Akismet to reduce spam. Learn how your comment data is processed.